2018ko apirilaren 20an, aste batzuk lehenagoko elurteek sortutako atzerapenak eta gero, hasi zen SAREA proiektuaren aurkezpena, Etcharry Formation Développement proiektuaren buruaren egoitzan, Lapurdiko Uztaritze herrian (Pirinio Atlantikoak), Interreg POCTEFA deialdira atxikia.

Aurkezpen ofizialean 50 lagun baino gehiago izan ziren, eta buruak izan ziren Belén Larrión (Gipuzkoako Foru Aldundiko Haurren Babeseko eta Gizarteratzeko zuzendari nagusia) eta Annick Trounday (Akitaniako Conseil Général des Pyrénées Atlantiques-eko Haurren eta Familien ordezkaria), proiektuan lan egiten duten hiru erakundeekin batera: Deustuko Unibertsitatea, Nazaret Zentroa eta aipatutako Etcharry Formation Développement.

SAREAren helburua da Gipuzkoako eta Pirinio Atlantikoetako haurrek eta adineko pertsonek jasotzen duten arreta hobetzea. Horretarako, eredu eta jardunbide berritzaileak garatzen ditu erabiltzaileak eta familiak ahalduntzeko bere bizi proiektuak sortzerakoan. Sektoreko zenbait lantalde sartu ditu, Agintzari eta Zabalduz kooperatibek horietako hirutan parte hartzen dutela: MENAk (UBA zentroa zuzendari tekniko gisa), Gazte helduak eta helduarorako trantsizioa eta Harrera sekuentziala.

Agintzari proiektuaren kide da, eta Gipuzkoako Foru Aldundiarekin eta beste zenbait erakunderekin parte hartzen du. Erakunde horiek Euskadi, Pirinio Atlantiko eta Landetakoak dira.

2020ra arte iraungo duela aurreikusten da, eta partekatutako ikaskuntza taldeak egingo ditu, jardunbide egokiak identifikatzeko ezagutza sistematizatuko du eta konponbide berritzaileak bideratuko ditu Bidasoako alde bietan gizarte esku hartzea hobetzeko.

Gaur egun badira zenbait lantalde martxan, eta lehen bilera eta elkarretaratze teknikoak egin dituzte gai hauei buruz: MENAS, Gazte helduak eta helduarorako trantsizioa eta Harrera sekuentziala.

Iturria: Agintzari